.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 184
Hüküm no: 304
Orijinal metin no: [22b-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Manol v. Karatil’in kardeşi Mihal’e ev satışından borçlu olduğu

Vech-i tahrîr-i hurûf oldur ki Karye-i Çengel’den Manol v. Karatil nâm zimmînin Mihal v. Papa Yani ve Duka v. Tranoz nâm zimmîler şehâdetleriyle vekâlet-i sâbite olan Ömer b. Veys meclis-i şer‘de Mihal v. Karatil nâm zimmî muvâcehesinde da‘vâ edip dediği mezbûr müvekkilim Manol’un mezbûr Mihal’de sattığı ev semeninden iki bin dört yüz on üç akçesi vardır taleb ederim dedikde, mezbûr Mihal’e suâl olundukda bi-tav‘ihî iki bin üç yüz elli akçesin ikrâr edip bâkisin edâ ettim dediği i‘tirâfı gıbbe’t-taleb kayd-ı sicil olundu. Tahrîren fî evâhiri Safer sene 971.


Şuhûdü’l-hâl: Şuhûdü’l-a‘lâ