|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 186 Hüküm no: 309 Orijinal metin no: [23a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Hoca Abdullah b. Yahşi’nin, evini Nebi Halife b. Hasan’a kiraya verdiği
Vech-i hurûf oldur ki Mahmiye-i Üsküdar’da Kebçe mahallesinden Hoca Abdullah b. Yahşi meclis-i şer‘de Nebi Halîfe b. Hasan muvâcehesinde bi-tav‘ihî ikrâr-ı sahîh-i şer‘î ve i‘tirâf-ı sarîh-i mer‘î kılıp dedi ki, mahalle-i mezbûrede vâkı‘ olan mülk ahırımı işbu sene ihdâ ve seb‘îne ve tis‘a-mi’e mâh-ı Rebî‘ülevveli’nin ibtidâsından sene isneyn ve seb‘îne ve tis‘a-mi’e mâh-ı Saferi’nin âhirine varınca bir yıla mezbûr Nebi Halîfe’ye bin akçe icâreye verip mezbûr Nebi Halîfe dahi vech-i meşrûh üzere kabûl eyledim dedikde, mukırr-ı mezbûrun i‘tirâfını vicâhen mezbûr Nebi Halîfe dahi tasdîk edip sıhhati icâreye hükm olunup mâ hüve’l-vâkı‘ gıbbe’t-taleb kayd-ı sicil olundu. Tahrîren fî evâili Rebî‘ilevvel sene 971.
Şuhûdü’l-hâl: Sinan Halîfe b. Udul ve Davud Bey b. Abdullah ve Memişah b. Şaban ve Hacı Veli b. Hüseyin ve Ali b. Hacı ve Mustafa b. Mehmed ve Veli Çelebi b. Alagöz Bey ve gayruhum
|