.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 205
Hüküm no: 361
Orijinal metin no: [28b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Üsküdar zaiminin, ölen Seyyid Ahmed’in zaptettiği atını, babası Şehsuvar b. Hüseyin’e vermesi

Vech-i tahrîr-i hurûf oldur ki Kürd tâifesinden Şehsuvar b. Hüseyin meclis-i şer‘a Üsküdar Zaîmi Alagöz b. Abdullah’ı ihzâr edip merhûm ve magfûrun leh Sultan Mehmed Hân hanında Seyyid Ahmed nâm oğlum vefât edip bir doru bârgiri kalıp zabt etmişsin şer‘le taleb ederim dedikde, mezbûr Alagöz Bey mezbûr Seyyid mesfûr Şehsuvar’ın sulbî oğlu idiğine inkâr edicek mesfûr Şehsuvar’ın da‘vâsına mutâbık beyyine taleb olundukda udûl-i müslimînden Çalapverdi b. Osman ve Yusuf b. Ramazan edâ-i şehâdet edip dediler ki zikr olan handa vefât eden Seyyid Ahmed mesfûr Şehsuvar’ın sulbî oğlu idiğin şâhidleriz şehâdet dahi ederiz dediklerinde şâhidân-ı mezbûrânın şehâdetleri ba‘de’t-tezkiye ve’t-tahlîf hayyiz-i kabûlde vâkı‘ olup zikr olan bârgiri mezbûr Şehsuvar’ı bi-tarîki’l-irs hükm olunup gıbbe’t-taleb kayd-ı sicil olundu. Tahrîren fî 19 Rebî‘ilevvel sene 971.


Şuhûdü’l-hâl: Eynehan b. Osman ve Nebi Halîfe b. Hasan ve Hüseyin Hasan b. Hacı ve gayruhum