.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 206
Hüküm no: 362
Orijinal metin no: [28b-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Burhan b. Şehsuvar’ın Üsküdar’dan eski yerine dönmesi

Vech-i tahrîr-i hurûf oldur ki Kazâ-i Şile’ye tâbi‘ karye-i Kara’da Beyoğlu sipâhisi İsmail Bey b. Elhâc Ivaz meclis-i şer‘a karye-i mezbûreden Burhan b. Şehsuvar’ı ihzâr edip mezbûr Burhan defter-i cedîd-i hâkānîde karye-i mezbûre re‘âyâsından bana ra‘iyyet kayd olunup anda sâkin iken anda durmayıp nefs-i Üsküdar’dan buldurup yine yerine varmayıp taleb ederim dedikde, mezbûr Burhan’a suâl ettikde sipâhi-i mezbûrun defterinde mukayyed olan Burhan v. Şehsuvar idiğine i‘tirâfı ve kasaba-i mezbûra geleli bir yıla ikrârı olmağın yine karye-i mezbûreye varmasına hükm olunup gıbbe’t-taleb kayd-ı sicil olundu. Tahrîren fî 21 Rebî‘ilevvel sene 971.


Şuhûdü’l-hâl: Memi Çelebi b. Üveys ve Mehmed b. Karagöz ve Ali b. Hacı ve gayruhum mine’l-hâzırîn