|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 209 Hüküm no: 371 Orijinal metin no: [29b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ali b. Şaban’ın, Mehmed Çelebi b. Davud’a ödünç verdiği
Vech-i tahrîr-i hurûf budur ki Ali b. Şaban meclis-i şer‘a Mehmed Çelebi b. Davud’u ihzâr edip sana bin akçe karz-ı hasen verdim meblag-ı mezbûru taleb ederim dedikde, gıbbe’l-inkâr udûl-i müslimînden Elhâc Hüseyin b. Abdullah ve Hüseyin b. İbrahim edâ-i şehâdet edip dediler ki mezbûr Ali mesfûr Mehmed’e bin akçe karz-ı hasen vermişdiğine şâhidiz ve şehâdet dahi ederiz dediklerinde şâhidânın şehâdetleri ba‘de’t-tezkiye hayyiz-i kabûlde vâkı‘ olup gıbbe’t-taleb kayd-ı sicil olundu. Tahrîren fî evâhiri Rebî‘ilevvel sene 971.
Şuhûdü’l-hâl: Alagöz Bey b. Abdullah ve Suhte Mehmed b. Ali ve Fazlullah b. İsa ve Hasan Paşa b. Abdullah ve gayruhum
|