|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 210 Hüküm no: 372 Orijinal metin no: [29b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Alaeddin Efendi b. İbrahim’in, Ali Çelebi b. Pirdede’ye ödünç verdiği
Vech-i tahrîr-i hurûf budur ki Alaaddin Efendi b. İbrahim meclis-i şer‘a Ali Çelebi b. Pîrdede’yi ihzâr edip sana beş filori karz verdim şer‘le taleb ederim dedikde, gıbbe’l-inkâr udûl-i müslimînden Mevlânâ Abdüllatif Halîfe b. Seydî Gâzî ve Abdülkerim b. Mustafa edâ-i şehâdet edip dediler ki, mezbûr Alaaddin Efendi mezkûr Ali Halîfe’ye karz-ı hasen beş filori verdiğine şâhidleriz ve şehâdet dahi ederiz dediklerinde, şâhidânın şehâdetleri ba‘de’t-tezkiye ve’t-ta‘dîl hayyiz-i kabûlde vâkı‘ olup meblag-ı merkūm hükm olunup gıbbe’t-taleb kayd-ı sicil olundu. Tahrîren fî evâhiri Rebî‘ilevvel sene 971.
Şuhûdü’l-hâl: Halinbilen b. Halil ve Ali b. Hacı ve Alagöz Bey b. Abdullah ve gayruhum
|