|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 210 Hüküm no: 373 Orijinal metin no: [29b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Mehmed Paşa Camii’ne kâtip ve vekilharç tayin edilmesi
Vech-i tahrîr-i hurûf oldur ki Merhûm ve magfûrun leh Mehmed Paşa Câmii’ne kâtib ve vekîl-i harc olan Mustafa b. Mahmud meclis-i şer‘a gelip câmi‘-i mezbûrun perâkende evkāfı olup mütevellî ve nâzırla evkāf-ı mezbûre üzerine ma‘an çıkmak lâzım olmağın bunda olan kitâbetim hizmetine Davud Çelebi b. Tâceddin Efendi’yi ve vekîl-i harc hizmetine Mü’ezzin Hasan Halîfe’yi vekîl nasb edip kıbel-i şer‘den izin taleb etmeğin izin verilip, gıbbe’t-taleb kayd-ı sicil olundu. Tahrîren fî evâhiri Rebî‘ilevvel sene 971.
Şuhûdü’l-hâl: Mevlânâ Hasan Halîfe el-Hatîb ve Şücâ‘ Bey b. Abdullah ve Nebi Halîfe b. Hasan ve gayruhum
|