.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 212
Hüküm no: 378
Orijinal metin no: [30a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Nesimi b. İsa’nın, ölen babasının gemisinde hissesi olduğunu Ali b. Sefer’in reddetmesi

Vech-i tahrîr-i sicil oldur ki Karye-i Dudullu’dan Nesîmi b. İsa nâm kimesne karye-i mezbûreden Ali b. Sefer nâm kimesneyi meclis-i şer‘a ihzâr edip takrîr-i da‘vâ kılıp eyitdi ki, babamız fevt olup iştirâk üzere bir sefîne yaptırıp tasarrufunda iken babamız fevt olup sefînenin bir hissesi mezbûr Ali b. Sefer nâm kimesnenin üzerinde kaldı taleb ederim dedikde, bi’l-mukābele cevâb verip eyitdi ki, sefînede onun hissesi yokdur ve illâ sefînenin ağaçlarını ol getirdi ve illâ akçesin verdim deyicek mezbûr Nesîmi b. Ali talebiyle sebt olundu. Tahrîren fî evâhiri Rebî‘ilevvel sene 971.


Şuhûdü’l-hâl: Nebi Halîfe el-Mü’ezzin, Sefer b. İskender, Ahmed b. Hüseyin, Nuh Bâli b. Musa, Hızır b. Ramazan, Mustafa Kaymagî.