.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 249
Hüküm no: 481
Orijinal metin no: [40a-4]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Koçaroz Nikola b. Dimitri’nin tarlasını Papa Yani b. Andriya’ya sattığı

Vech-i tahrîr-i sicil budur ki Karye-i Çengel’den Kaçaroz Nikola b. Dimitri meclis-i şer‘a hâzır olup dedi ki, karye-i mezbûr yerlerinde bir kıt‘a yer ki hudûd bir taraf İstavros sınırına ve andan Petro bağına ve andan Yani Furka bağına ve andan Tanil bağına muttasıl olan tarlayı mütevellî olan Mustafa Çelebi b. Mehmed izniyle ve icâzetiyle sâhibü’s-sicil Papa Yani b. Andriya[’ya] altı yüz akçeye bey‘ ettim semen-i merkūmu bilâ kusûr velâ küsûr aldım kabûl ve kabz ettim keyfemâ yeşâ mutasarrıf olup kimesne mâni‘ olmaya dedikde, müşteriyü’l-mezbûr vicâhen ve şifâhen tasdîk edicek sıhhat-ı akd-i bey‘ mukarrer olup hükm olundu ki bi’t-taleb kayd-ı sicil olundu. Vaka‘a’t-tahrîr fî evâhiri Rebî‘ilâhir sene 971.


Şuhûdü’l-hâl: Sûfi Yusuf b. ( ), Alagöz Bey b. Abdullah Zaîm, Mustafa b. Mehmed, Ali b. Hacı, Nasuh b. Hamza, Toma b. Kosta, Andriya b. Nikola ve gayruhum