|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 250 Hüküm no: 482 Orijinal metin no: [40b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Vakfa ait bostan yerinin mütevelli izni olmadan satılamayacağı
Vech-i tahrîr-i sicil budur ki Karye-i Çengel’den Andriya b. Nikola meclis-i şer‘de karye-i mezbûra hâliyâ mütevellî olan fahrü’l-emâsil ve’l-akrân Mustafa Çelebi b. Mehmed muvâcehesinde bi’t-tav‘ ve’r-rızâ ikrâr ve i‘tirâf edip dedi ki, karye-i İstavros’dan Nikola b. Frenkova’dan mütevellî izni yok iken iki bin akçeye bir kıt‘a bostan yerini bana sattı akçesin aldı deyicek mezbûr mütevellî yedinde fetvâ-yı şerîf olup mütevellî izni olmadan tasarrufunda olan yerini satmak câiz değildir vakfın olup deyu mukayyed olup istinâden ile’l-fetvâ zikr olan bostan yerini vakıf için mütevellî-i mezbûra hükm olundu ki, bi’t-taleb kayd-ı sicil olundu. Vaka‘a’t-tahrîr fî evâhiri Rebî‘ilâhir sene 971.
Şuhûdü’l-hâl: Sûfi Yusuf b. Hamza, Mustafa b. Mehmed, Ali b. Behram, Nasuh b. Hamza, Kaçaroz Nikola b. Dimitri ve gayruhum
|