.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 252
Hüküm no: 488
Orijinal metin no: [41a-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Hacı b. Abdullah’ın, Yusuf b. Nebi’ye sattığı mülk bedelinin yarısını tahsil ettiği

Vech-i tahrîr-i sicil budur ki Karye-i Bulgurlu’dan Hacı b. Abdullah Râcil meclis-i şer‘de bi’t-tav‘ ve’r-rızâ ikrâr ve i‘tirâf edip dedi ki, taht-ı tasarrufumda olan çatma evi önünde hatabla üzere çardak hudûd bir tarafı tarîk-ı âm ve bir taraf hâlî yere ve iki cânibi bâyi‘ mülküne muttasıldır tevâbi‘ ve levâhıkı ve’l-hadâyık ile ve eşcâr-ı müsmiresiyle işbu sâhib-i sicil Yusuf b. Nebi’ye iki bin elli akçeye bey‘ ettim semen-i merkūmeden bin akçeyi aldım bâki bin akçe kaldı dedikde, merkūm Yusuf cemî‘-i ikrârında vicâhen tasdîk edip sıhhat-ı bey‘ mukarrer olup kayd-ı sicil olundu. Vaka‘a’t-tahrîr fî evâhiri Rebî‘ilâhir sene 971. Derkenar: Ve bin elli olan akçe-i bâkiye Mehmed b. Derviş kefîl bi’l-mâl olup kayd-ı sicil olundu


Şuhûdü’l-hâl: Abdi b. Hasan, Mustafa b. Hasan, Mehmed b. Derviş, Sarı Musa b. Hüseyin, Eymir Sefer b. Yusuf ve Alagöz b. Zaîm ve gayruhum