.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 252
Hüküm no: 489
Orijinal metin no: [41a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mahmud b. Hamza ile Hasan b. Ali’nin değirmen anlaşmazlığı

Vech-i tahrîr-i sicil oldur ki Karye-i Kalburcu’dan Mahmud b. Hamza karye-i mezbûreden Hasan b. Ali nâm kimesneyi meclis-i şer‘a ihzâr edip, mezbûr Hasan’dan bir değirmen da‘vâsın taleb ettik de on beş yıldan ziyâdedir ki taleb eder deyicek bi’l-mukābele inkâr ettikde karye-i mezbûreden Hacı Süleyman ve İshak b. Kılavuz nâm kimesneler şehâdet-i şer‘iyye kılıp eyitdiler ki biz şâhidleriz şehâdet dahi ederiz ki mezbûr değirmen da‘vâsın on beş yıldan ziyâdedir ki deyu şehâdet ettikleri ecilden mezbûr Hasan b. Ali talebiyle sebt-i sicil olundu. Tahrîren fî


Şuhûdü’l-hâl: Ali b. Davud, Muhzır Nasuh ve gayruhum