.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 261
Hüküm no: 516
Orijinal metin no: [43b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Katırcı Mustafa b. Halil katırlarını Bâli b. Ahmed’e sattığı

Vech-i tahrîr-i hurûf budur ki Katırcı Mustafa b. Halil ve Bâli b. Ahmed meclis-i şer‘a hâzırân olduklarında mezbûr Mustafa bi-tav‘ihî ikrâr ve i‘tirâf edip on iki re’s atlarımı mesfûr Bâli’ye bey‘-i bi’l-vefâyla yetmiş filoriye bey‘ edip zikr olan bârgirleri müşârunileyh Bâli’ye teslîm edip yetmiş filoriye bî-kusûr kabz ettim dedikde, mukırr-ı mezbûru mukarrun lehü’l-mezbûr tasdîk ettikde sıhhat-ı ikrâra ve bey‘a hükm olunup gıbbe’t-taleb kayd-ı sicil olundu. Tahrîren 2 Cumâdelûlâ li-sene ihdâ ve seb‘îne ve tis‘a-mi’e.


Şuhûdü’l-hâl: Mevlânâ Cafer Halîfe b. Sinan ve Süleyman Çelebi b. Kasab ve Alagöz Bey b. Abdulhay ve gayruhum