|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 262 Hüküm no: 517 Orijinal metin no: [43b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Şaban b. İsa’nın, Mehmed b. Yusuf’a at bedelinden borçlu olduğu
Vech-i tahrîr-i hurûf budur ki Nefs-i Üsküdar’dan Şaban b. İsa meclis-i şer‘de Mehmed b. Yusuf muvâcehesinde bi-tav‘ihî ikrâr ve i‘tirâf edip mezbûr Mehmed’e bin akçe at bahâsından ve on üç sikke filori karzdan işbu mâh-ı Cumâdelûlâ gurresinden bir aya va‘de ile cem‘an otuz filori vâcibü’l-edâ deynim vardır dedikde, mukırr-ı mezbûru mukarrun lehü’l-mesfûr vicâhen ve şifâhen tasdîk edip meblag-ı mezbûre kasaba-yı mezbûreden Bâli b. Ahmed kefîl olup gıbbe’t-taleb kayd-ı sicil olundu. Tahrîren 2 Cumâdelûlâ li-sene ihdâ ve seb‘îne ve tis‘a-mi’e.
Şuhûdü’l-hâl: İbrahim b. Malkoç ve Yahya Bey b. Abdullah ve Mustafa b. Mehmed ve Berber Kara Mustafa b. İsa Fakih ve Süleyman Çelebi b. Mustafa ve gayruhum
|