|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 271 Hüküm no: 547 Orijinal metin no: [46a-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İbrahim Ağa Vakfı’na ait bostanın Manol’a icareye verildiği
Vech-i tahrîr-i hurûf budur ki Merhûm İbrahim Ağa câbisi Hayran Abdi b. Hasan meclis-i şer‘de karye-i Kadı’dan Manol b. Yorgi mahzarında bi-tav‘ihî ikrâr edip merhûm İbrahim Ağa Evkāfı’ndan çayır bostanı demekle ma‘rûf bostanı sâbıkā Matyoz sâbıkā sekiz yüz akçeye senesini icâreye almıştı mezbûr Manol yüz akçe dahi ziyâde edip dokuz [yüz] akçeye kabûl etmeğin mesfûr Manol’a verdim ve zarar-ı mâla karye-i mezbûreden Sarı Dimitri b. Yorgi kefîl oldu deyu mezbûrân Manol ve Dimitri dahi mesfûr cânibinden kelimâtını tasdîk ettikde sıhhat-ı icâreye hükm olunup gıbbe’t-taleb kayd-ı sicil olundu. Tahrîren fî evâili şehri Cemâziyelevvel li-sene ihdâ ve seb‘îne tis‘a-mi’e.
Şuhûdü’l-hâl: Papa Kosta b. Petri ve Andon b. Duka ve Aleksi b. Dimitri ve Yorgi b. Tıranoz ve gayruhum
|