.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 272
Hüküm no: 548
Orijinal metin no: [46b-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Yorgi, Kosta ve Aleksi b. Dimitri’nin, babalarının mirasını paylaştıkları

Vech-i tahrîr-i hurûf budur ki Karye-i Kadı’dan Yorgi ve Kosta ve Aleksi b. Dimitri meclis-i şer‘a hâzırûn olup bi-tav‘ihim ikrâr ve i‘tirâf edip sâbıkā babamız mürd olup muhallefâtı beyne’l-verese taksîm olmayıp kısmet olmasın taleb ederim nâibü’ş-şer‘ Mevlânâ Beşir Halîfe cümle muhallefâtı yazıp elli bin altı yüz elli akçe olup meblag-ı mezbûrdan her birimize on dört bin akçe hissemiz ve iki kız karındaşımıza beş bin beş yüzer akçe hissemiz ve anamız yetmiş altı bin altı yüz elli akçesi olup cümlemiz hisse-i şer‘iyyemiz vech-i meşrûh üzere taksîm olunup birbirimiz ile nizâ‘mız yokdur dedikleri talebleriyle kayd-ı sicil olundu. Tahrîren fî evâili şehri Cemâziyelevvel li-sene 971.


Şuhûdü’l-hâl: Yeniçeri Davud Bey b. Abdullah ve Sinan Halîfe b. Abdullah ve Memi b. Murad ve Papas b. Kosta b. Peter Bey ve Manol b. Yorgi ve Andon b. Doka ve Tıranoz b. Yorgi ve Hayran Abdi b. Hasan ve gayruhum mine’l-hâzırîn