|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 278 Hüküm no: 565 Orijinal metin no: [48a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İbrahim b. Veli’nin, Mustafa b. Mehmed’e küfür ettiği
Vech-i tahrîr-i hurûf budur ki Mustafa b. Mehmed meclis-i şer‘a İbrahim b. Veli’yi ihzâr edip üzerine takrîr-i da‘vâ edip bana harâmisin ve harâmîden beterlisin deyip şer‘le mûcebin taleb ederim dedikde, mesfûr İbrahim’e suâl ettikde inkâr ile cevâb verip mezbûr Mustafa’nın sıdk-ı da‘vâsına beyyine taleb olundukda beyyineden âciz olup yemîn billâh teklîf ettikde yemînden nükûl ettiği gıbbe’t-taleb kayd-ı sicil olundu. Tahrîren fî 12 Cemâziyelevvel li-sene 971.
Şuhûdü’l-hâl: Yusuf b. Yunus ve Ali b. Yusuf ve Musa b. Ahmed ve Mustafa b. Süleyman ve gayruhum
|