|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 278 Hüküm no: 566 Orijinal metin no: [48a-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Yani v. Pavli’nin kaçırılan kız kardeşi Eleni’nin, kendisinde olduğu iddiasını Piri Çelebi b. Mustafa’nın reddetmesi
Vech-i tahrîr-i hurûf budur ki Kazâ-yı Mizistire’den Yani v. Pavli nâm zimmî meclis-i şer‘a nefs-i Üsküdar’dan Pîri Çelebi b. Mustafa’yı ihzâr edip kazâ-yı mezbûrdan Eline nâm kız karındaşım gāyibe olup senin evinde idiği istimâ‘ olundu taleb ederim dedikde, mezbûr Pîri’ye suâl olundukda silahdârlar zümresinden Memi Çelebi nâm kaynım benim evime bir câriye getirip bir kaç gün durup yine aldı gitti senin kız karındaşın idiğini bilmezim ve mezbûr Memi Çelebi getirdiği câriyeden gayrı bende câriye yokdur dediği gıbbe’t-taleb kayd-ı sicil olundu. Tahrîren fî evâili Cemâziyelevvel li-sene 971.
Şuhûdü’l-hâl: Mevlânâ Hasan Halîfe hatîb-i Mehmed Paşa ve Mustafa Çelebi b. Abdi ve Turgut Çelebi b. Hızır ve gayruhum
|