.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 280
Hüküm no: 572
Orijinal metin no: [48b-5]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Mehmed Paşa Camii Vakfı’na ait hamamın Mevlana Hasan Halife b. Murad’a kiraya verildiği

Vech-i tahrîr-i hurûf budur ki Nefs-i Üsküdar’dan Salacak mahallesinden Hızır b. Murad meclis-i şer‘de merhûm ve magfûrun leh Mehmed Paşa Câmii hatîbi Mevlânâ Hasan Halîfe b. Murad mahzarında bi-tav‘ihî ikrâr ve i‘tirâf eyleyip müşârunileyh Paşa Câmii’nin evkāfından mahmiye-i mezbûreden olan vakıf hamâmını sâbıkā bir yıla yirmi iki bin akçeye icâreye kabûl etmiştim zikr olan senenin âhiri işbu sene sitte ve seb‘îne ve tis‘a-mi’e Cemâziyelevveli’nin yirmi ikisinde tamâm olup mezbûr hamâmı dolab-ı mâyî ile zikr olan târîhden bir yıl tamâmına yine yirmi iki bin akçeye kabûl ettim her ay kıstını vermek şartıyla deyip ve meblag-ı merkūma dahi mahalle-i merkūmeden Memişah b. Şaban kefîl olup mesfûr Hasan Halîfe kabûl edip gıbbe’t-taleb kayd-ı sicil olundu. Tahrîren fî 13 Cemâziyelevvel li-sene ihdâ ve seb‘îne ve tis‘a-mi’e.


Şuhûdü’l-hâl: Alagöz Bey b. Abdullah ve Hayran Abdi b. Hasan ve İbrahim b. Yusuf ve Seydî b. Hüseyin ve gayruhum