.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 300
Hüküm no: 625
Orijinal metin no: [54b-2]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ölen Mercan’ın terekesinin beytülmal için zabtedildiği

Vech-i tahrîr-i hurûf budur ki Şehzâde-i civân-baht -tâle bekāhu- hazretlerinin Livâ-i Kocaeli’de vâkı‘ olan beytülmâline ve yava harâcına ber-vech-i iltizâm emîn olan Elhâc Mahmud b. Elhâc Mehmed meclis-i şer‘de merhûm ve magfûrun leh Sultan Orhan Hân Evkāfı’ndan Kartal nâm karye mültezimi Dimitri v. Garmetikoz mahzarında bi-tav‘ihî ikrâr ve i‘tirâf edip karye-i mezbûreden hâriçden gelip mürd olan Mercan nâm zimmînin muhallefâtını mezbûr Dimitri vakf-ı mezbûr için zabt edip yava olmağın ben zabt etmek dileyip mezbûr Dimitri’nin elinde hükm-i şerîf olup zikr olan karyenin beytülmâli ayniyle mukayyed değil ise dahl olunmaya deyu fermân olunup benim elimde karye-i mezbûrenin beytülmâli defterimde mukayyed değildir zikr olan beytülmâlinde nizâ‘ım yokdur dediği ikrârı gıbbe’t-taleb kayd-ı sicil olundu. Tahrîren fî evâhiri Cemâziyelevvel sene ihdâ ve seb‘îne ve tis‘a-mi’e.


Şuhûdü’l-hâl: Musa Çelebi b. İsa ve Hasan Bey b. Abdullah ve Alagöz Bey b. Abdullah ve Semerci Mustafa b. Turhan ve İsa b. Ali ve Hayreddin b. Ahmed ve Abdi b. Hasan ve gayruhum mine’l-hâzırîn