|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 312 Hüküm no: 655 Orijinal metin no: [58a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Erine bt. Todora’nın hisse istediği evi ölen kardeşi Vasiliki bt. Lambrinos’un kardeşi Tranos’a sattığı
Vech-i tahrîr-i sicil oldur ki Karye-i Çengel’den Erine bt. Todora nâm zimmîye karye-i mezbûreden Tıranos v. Todora Kaymagî nâm zimmîyi meclis-i şer‘a ihzâr edip takrîr-i da‘vâ kılıp eyitdi ki, Vasiliki bt. Lambrinos fevt olup bir evi kalıp mezbûr Tıranos nâm birâderim alıp bana hissemi vermedi hissem taleb ederim deyicek mezbûr Tıranos bi’l-mukābele cevâb verip dedi ki, mezbûr evi anam Vasiliki bt. Lambrinos’dan bin akçeye satın aldım deyicek mezbûr Tıranos’dan beyyine taleb olundukda Papa Yani v. Nikola ve Mihal Papa Yani nâm zimmîler şöyle edâ-i şehâdet-i şer‘iyye kılıp eyitdi ki, biz şâhidleriz şehâdet dahi ederiz ki mezbûr evi bin akçeye Vasiliki bt. Lambrinos’dan satın alıp akçesini mezbûreye teslîm eyledi deyu şehâdet ettikleri ecilden şehâdetleri hayyiz-i kabûlde vâkı‘ olup sebt-i sicil olundu. Tahrîren fî evâili Cemâziyelâhir sene 971.
Şuhûdü’l-hâl: Toma v. Kosta, Manol v. Estefan, Kaçaroz v. Dimitri, Duka v. Tranoz, Papa Yani v. Andriya
|