.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 312
Hüküm no: 656
Orijinal metin no: [58a-3]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Aleksi Levador’un, Erine bt. Todora’ya verdiğini iddia ettiği borç ve eşyalarını geri istemesi

Vech-i tahrîr-i sicil oldur ki Karye-i İstavros’dan Aleksi Levador nâm zimmî karye-i Çengel’den Erine bt. Todora nâm zimmîyeyi meclis-i şer‘a ihzâr edip takrîr-i da‘vâ kılıp eyitdi ki, mezbûr Erine bt. Todora’ya dört altın karz ve bir gümüşlü bıçak kını ve bir altınlı çember verdim taleb ederim dedikde mezbûre Erine bt. Todora’dan taleb olundukda bi’l-mukābele inkâr edip eyitdi ki, dört altından haberim yokdur almadım ve çemberi seksen akçeye mezbûre Aleksi’den satın aldım ve bıçak kının aldım kendine gene verdim deyicek mezbûre Erine’den mezkûr bıçak kının verdiğine beyyine taleb olundukda üç gün mehil alıp ve çemberi ayniyle teslîm eyledikde mezbûr altını verdiğine beyyineden âciz oldukda mezbûre Erine yemîn verilip mezkûre Erine talebiyle sebt-i sicil olundu. Tahrîren fî evâili Cemâziyelâhir sene 971.


Şuhûdü’l-hâl: Müstecib b. Mustafa ve Mustafa b. Mehmed ve Toma v. Kosta, Kaçaroz v. Dimitri