|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 314 Hüküm no: 659 Orijinal metin no: [58b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Kamer bt. Abdullah’ın ölen kocası Kasım’da kalan mehrinin terekesinden ödenmesi
Vech-i tahrîr-i sicil oldur ki Nefs-i Üsküdar’dan Sinan Subaşı mahallesinden Kamer bt. Abdullah nâm hâtun merhûm zevci Kasım’ın metrûkâtından dokuz yüz akçe mihrim vardır taleb ederim bana nikâh olundukda bin akçe mehir üzere nikâh olunup yüz akçe mehrim bağışladım dedikde, mezbûr Eynehan bi’l-mukābele inkâr edip dedi ki, mezbûre Kamer’in nikâh bin değildir dahi azdır deyicek mezbûre hâtundan beyyine taleb olundukda udûl-i müslimînden Resul b. Süleyman ve Ali b. Veli nâm kimesneler şöyle edâ-i şehâdet-i şer‘iyye kılıp eyitdiler ki biz şâhidleriz şehâdet dahi ederiz ki mezbûre Kamer nâm hâtuna nikâh olundukda bin akçeye nikâh olundu deyu şehâdet ettikleri ecilden şâhidân-ı mezbûrânın şehâdetleri hayyiz-i kabûlde vâkı‘ olup mezbûre Kamer talebiyle sebt-i sicil olundu. Tahrîren fî evâili Cemâziyelâhir sene ihdâ ve seb‘îne ve tis‘a-mi’e.
Şuhûdü’l-hâl: Hamza b. Abdullah, Sefer b. Mahmud, Ayas b. Abdullah, Mustafa Kaymagî.
|