|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 313 Hüküm no: 658 Orijinal metin no: [58b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
Ölen Kasım’ın hanımı Kamer bt. Abdullah’tan aldığı cariyenin parasının terekesinden ödenmesi
Vech-i tahrîr-i hurûf budur ki Kamer bt. Abdullah meclis-i şer‘de Eynehan b. Osman’ı ihzâr edip Sinan Subaşı’na elli altı sikke filoriye zevcem Kasım bir câriyem bey‘ edip mezbûr Kasım zikr olan câriye bahâsını bana vermeyip câriye benim idiğini isbât edip akçesin müteveffâ-yı mezbûrun metrûkâtından taleb ettiğimde mezbûr Eynehan vermez şer‘le taleb ederim dedikde, mezbûr Eynehan’a suâl olundukda zikr olan câriye mezbûr hâtun idiği sâbit oldu lâkin meblag-ı mezbûru almıştır dedikde, mezbûre hâtun zikr olan câriye bahâsı meblag-ı merkūmu mezbûr Kasım’dan almayıp zimmetinde kaldı yemîn billâh eyleyip gıbbe’t-taleb kayd-ı sicil olundu. Tahrîren fî evâili Cemâziyelâhir.
Şuhûdü’l-hâl: Alagöz Bey b. Abdullah ve Eynehan b. Burhan ve Mustafa b. Abdullah ve Nasuh b. Hamza ve gayruhum
|