Bab Mahkemesi 150 Numaralı Sicil (H. 1143-1144 / M. 1730-1732) cilt: 65, sayfa: 75 Hüküm no: 11 Orijinal metin no: [1b-5] Bu defter İBB Kültür A.Ş. ve Medipol Üniversitesi Hukuk Fakültesi ortaklığı ile hazırlanmıştır. Damgasız dirhem kullananların cezalandırılması İstanbul kādısı fazîletli efendi, Âsitâne-i sa‘âdet’de kasab ve bakkal ve sâir terâzî isti‘mâl eden esnâf tâifesinin ekseri tamgalı dirheme i‘tibâr etmeyip demirden ve taşdan diledikleri gibi dirhemler peydâ edip bu vechile ibâdullâha bey‘ eyledikleri ecnâs-ı zehâyirde noksan-ı fâhiş olduğu zâhir olmağla imdi fîmâ-ba‘d tâife-i mezbûreden bir ferd tamgasız dirhem isti‘mâl etmemek için tenbîhi lâzım gelenlere muhkem tenbîh ve tekîd ve bundan sonra memnû‘ ve mütenebbih olmayanların bilâ-emân cezâları tertîb olunacağını kendilere gereği gibi tehfîm eyleyesiz deyü buyruldu.