.:: İstanbul Kadı Sicilleri ::.


Üsküdar Mahkemesi 26 Numaralı Sicil (H. 970-971 / M. 1562-1563)
cilt: 7, sayfa: 330
Hüküm no: 705
Orijinal metin no: [64a-1]
Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.


Ali b. Hızır’ın, Hasan b. Durmuş’a ev sattığı

Vech-i tahrîr-i sicil oldur ki Nefs-i Üsküdar’da sâkin Ali b. Hızır meclis-i şer‘-i şerîfe gelip mahrûse-i mezbûreden Hasan b. Durmuş mahzarında bi’t-tav‘ ve’r-rızâ ikrâr ve i‘tirâf edip dedi ki, işbu sâhibü’s-sicil olan Hasan mahalle-i Gülfem’de sâkin olup yeni binâ eylediği ev ki dört duvarı hudûd düşmüştür zikr olan evin yeri ve evin önde asma bağlarıyla benim mülküm olup hâliyâ mezbûr Hasan’a iki bin iki yüz râyicü’l-vakt akçeye bey‘-i bâtla bey‘ eyledim teslîm-i mebî‘ edip semen-i merkūmu bî-kusûr velâ küsûr alıp kabûl ve kabz eyledim deyu ikrârında tâbi‘-i mesfûr dahi vicâhen ve şifâhen tasdîk ettikden sonra mûcebiyle hükm olunup bi’t-taleb kayd-ı sicil olundu. Tahrîren fî evâhiri şehri Cemâziyelâhir sene 971.


Şuhûdü’l-hâl: Ali b. Hacı Behram, İsa b. Ali, Nasuh b. Hamza, Sefer b. Mahmud, Mustafa b. Turhan, Mustafa b. Hasan ve gayruhum