|
Üsküdar Mahkemesi 26 Numaralı Sicil (H. 970-971 / M. 1562-1563) cilt: 7, sayfa: 330 Hüküm no: 706 Orijinal metin no: [64a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır.
İlyas b. Hasan’ın, Hesna Hatun’a ev sattığı
Vech-i tahrîr-i sicil oldur ki Nefs-i Üsküdar sâkinlerinden İlyas b. Hasan meclis-i şer‘-i şerîfe hâzır olup mahalle-i Sultan’da mescid binâ edip ve kendi vakfına mütevellî olan Hesnâ Hâtun mahzarında bi-tav‘ihî ikrâr edip Davudpaşa mahallesinde bir taraf Hacı Ahmed mülkü ile ve bir taraf Köse Şeyh eviyle ve bir taraf Şaban mülkü ile ve bir taraf tarîk-ı âmla mahdûd ve mümtâz olan mülk evimi tevâbi‘ ve levâhıkla bi tarîki’l-istiğlâl işbu sâhibü’s-sicil Hesnâ Hâtun’a bin beş yüz râyic-i fi’l-vakt doksan akçesine bey‘ ettim tarafeynden tekâbuzu oldukdan sonra zikr olan evi târîh-i sicilden ilâ evvel-i ( ) kâmil yüz elli akçe icâreye üzerime kabûl eyledim deyu ikrârında Hesnâ Hâtun dahi vicâhen ve şifâhen tasdîk ve tahkīk ettikden sonra sıhhat-ı icâreye ve bey‘a hükm olunup bi’t-taleb kayd-ı sicil olundu. Cerâ zâlik ve hurrire fî evâhiri Cemâziyelâhir sene 971.
Şuhûdü’l-hâl: Ali b. Hacı Behram, Ali b. Abdullah, Ali b. Süleyman, Mustafa b. Mehmed, Mustafa b. Mehmed Derkenar: Ali b. Elhâc zarara kefîl oldu
|