Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 190 Hüküm no: 392 Orijinal metin no: [62a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Abdullah’ın evini Sefer b. Hasan’a sattığı Oldur ki Mahalle-i Ma‘mûre‘de Ahmed b. Abdullah mahfil-i kazâda bâ‘isü’s-sicil Sefer b. Hasan mahzarında takrîr-i kelâm edip mahalle-i mezbûrede vâki‘ bir cânibi Habibe ve Hüseyin mülkleriyle ve bir cânibi Şeyh Mehmed mülküyle ve tarafeyni tarîk-i âm ile mahdûd bir ocaklı evimi bi’r-i mâ’ile bi cemî‘i’l-hudûd ve kâffeti’l-hukūk mezkûr Sefer’e dört bin iki yüz kırk râyic fi’l-vakt akçeye bey‘-i bât ile bey‘ edip teslîm-i mebî‘-i mahdûd ve kabz-ı semen-i ma‘dûd kılıp müşterî-i mezkûr dahi vech-i meşrûh üzre iştirâ eyledi dedikde ba‘de’t-tasdîk bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Hüseyin b. Abdullah, Mustafa b. Kasım, Himmet b. Pîrî, Usta Mehmed b. Abdullah, Yakub b. Noktacı, Mehmed b. Abdullah.