Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 190 Hüküm no: 393 Orijinal metin no: [62b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Şaban b. Bayramlı’nın eşi Zeyni bt. Mustafa’yı boşadığı Oldur ki Tâ’ife-i kıbtiyândan Şaban b. Bayramlı nâm çingene mahfil-i kazâda mahalle-i Ma‘mûre‘de sâkine bâ‘isetü’s-sicil Zeynî bt. Mustafa muvâcehesinde takrîr-i kelâm edip mezkûre Zeynî bundan akdem benim menkûham olup târih-i kitâbdan üç yıl mukaddem kasaba-i Mihaliç’de mezbûreye talâk verip zevc-i âhara varmış iken hâlâ yine bundan esbak mezkûreyi meclis-i kazâya ihzâr edip talâk vermedim deyû da‘vâ ve nizâ‘ etmiş idim da‘vâmda kâzibim talâkım vâki‘dir min ba‘d mezkûre Zeynî ile vechen mine’l-vücûh gerek zevciyyete ve gerek sâir hukūka müte‘allik eğer da‘vâ edersem inde’l-hükkâm mesmû‘ olmaya dedikde ba‘de’t-tasdîk mâ hüve’l-vâki‘ bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Sefer b. Karaca, Kasım b. Bayramlı, Eynesi b. İsmail, Bâli b. Hüdâverdi, Paşalı b. Gaybî, Devran b. Dâvud.