Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 191 Hüküm no: 395 Orijinal metin no: [63a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zeyni bt. Mustafa’nın mehir davasından vazgeçtiği Tâ’ife-i kıbtiyândan Zeynî bt. Mustafa mahfil-i kazâda bâ‘isü’s-sicil zevc-i sâbıkı Şaban b. Bayramlı muvâcehesinde ikrâr edip mezkûrda bin beş yüz akçe mehr-i mü’eccelim olup bundan esbak da‘vâ ve taleb eylediğimde muslihûn tavassut edip iki yüz akçeye sulh edip bedel-i sulhu bi’t-tamâm alıp kabz edip min ba‘d mezkûr ile vechen mine’l-vücûh husûsan mehrime müte‘allik da‘vâ ve husûmetim yokdur eğer edersem inde’l-hükkâm mesmû‘ olmaya dedikde ba‘de’t-tasdîk bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Sefer b. Karaca, Kasım b. Bayramlı, Eynesi b. İsmail, Bâli b. Hüdâverdi, Paşalı b. Gaybî, Devran b. Dâvud.