Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 191 Hüküm no: 396 Orijinal metin no: [63a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kalender b. Yunus ile kız kardeşi Hümâ’nın ölen kız kardeşlerinin kocasından kendilerine düşen mirası aldıkları Oldur ki Kalender b. Yunus ve hemşîresi Hümâ mahfil-i kazâda bâ‘isü’s-sicil Şâmil b. Kasım muvâcehesinde takrîr-i kelâm edip mezbûrun taht-ı nikâhında iken fevt olan hemşîremiz Hundî bt. Yunus’dan âid olan hisse-i şer‘iyyemizi bilâ-kusûr mezkûr Şâmil’den ahz ve kabz edip gerek mehrinden ve gerek sâir terekesinden min ba‘d mezbûrda bir akçe ve bir habbe hakkımız bâkī kalmadı cemî‘ deâ‘vîden zimmetin ibrâ ve iskāt eyledik husûsan mîrâsa müte‘allik vechen mine’l-vücûh da‘vâ ve husûmetimiz yokdur dediklerinde ba‘de’t-tasdîk berâ’t-i zimmetine hükm-i birle mâ vaka‘a bi’t-taleb kayd olundu. Tahrîren fî târihi mezbûr. Şuhûdü’l-hâl: Sefer b. Karaca, Devran b. Dâvud, Pazarlı b. Muslu, Bâli b. Hüdâverdi, Hacı b. Mustafa