Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 192 Hüküm no: 397 Orijinal metin no: [63a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Süleyman b. Abdullah’ın karısı Fâtıma bt. Abdullah’ı ikinci kez boşadığının sabit olması Fâtıma bt. Abdullah mahfil-i kazâda Süleyman b. Abdullah nâm zevci mahzarında takrîr-i kelâm edip mezbûr Süleyman bundan akdem bana talâk verip ba‘dehû yine nikâh edip hâlâ yine talâk verdi dedikde gıbbe’s-suâl mezkûr Süleyman inkâr ile mukābele edip akībü’l-istişhâd Ali b. Mustafa ve Mustafa b. Mehmed hâzırân olup fi’l-hakīka mezkûr Süleyman bizim yanımızda mezbûre Fâtıma’ya talâk verip kendi esbâbını alıp gidip ayrılışdılar deyû şehâdet eylediklerinde ba‘de’l-kabûl tefrîkine hükm olunduğu bi’t-taleb kayd-ı sicil olundu. Tahrîren fî evâsıtı Ramazâni’l-mübârek sene 991. Şuhûdü’l-hâl: Mehmed Çelebi b. Mehmed, Şahkulu b. Hızır, Muslu er-Râcil