Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 203 Hüküm no: 430 Orijinal metin no: [67b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sultâna bt. Hasan’ın gece evine gelip kendisini korkutan ve hastalanmasına sebep olan kişilerle olan davasından vaz geçtiği Tâ’ife-i kıbtiyândan Sultâna bt. Hasan tarafından Sefer b. Karaca ve İbrahim b. Mehmed şehâdetleri ile husûs-ı âti’z-zikre vekâleti sâbit olan İbrahim b. Hasan mahfil-i kazâda bâ‘isü’l-hurûf Abdi b. Bayramlı nâm çingene muvâcehesinde takrîr-i kelâm edip, mezkûr Abdi bundan esbak gece ile müvekkilem mezbûre Sultâna’nın evine varıp nice beyhûde ve nâ-sezâ kelimât edip ve mezbûrun bî-vakt varmasıyla mezkûre[ye] havf edip ba‘zı hastalık ârız olup hakkından gelinmesi için da‘vâ ve taleb etmiş idi hâlâ da‘vâsından ferâgat edip min ba‘d husûs-ı merkūmda mezkûr Abdi ile husûmeti yokdur dedikde, bi’t-taleb kayd olundu. Tahrîren fî târihi mezbûr. Şuhûdü’l-hâl: Mehmed b. Abdullah, Hamza b. İbrahim, Timur b. Hasan, Rüstem b. Bâli, Deniz b. Gāzi.