Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 206 Hüküm no: 439 Orijinal metin no: [69a-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kocası Hasan b. Hâce’ye itaat etmeyen Ahtolum bt. İkbalat’ın tedib olunması Oldur ki Tatar tâ’ifesinden Ahtolum bt. İkbâlât nâm avrat mahfil-i kazâda zevci Hasan b. Hâce muvâcehesinde takrîr-i kelâm edip, mezkûr Hasan bana muhkem let vurup ve talâk verdi lüzûmun taleb ederin dedikde, gıbbe’s-suâl inkâr ile mukābele edip mudde‘iyye-i mezbûre beyyineden âcize olup mezkûr Hasan’a yemîn teklîf olunup darb etmediğine ve talâk vermediğine yemîn billâh ettikden sonra Hamza b. Mehmed ve Ali b. Allahverdi nâm kimesneler kabâhat avratındır dâimâ cefâ üzredir emrine mutî‘a değildir te’dîbi lâzımdır deyû şehâdet eylediklerinde mezkûre Ahtolum zevci Hasan talebiyle te’dîb olunduğu bi’t-taleb kayd-ı sicil olundu. Tahrîren fî evâsıt-ı Şevvâli’l-mükerrem fî 991. Şuhûdü’l-hâl: Abdülkerim b. Hızır, Aydın b. Hâce, Mehmed b. İsâ, Mahmud b. Mustafa, Ramazan el-Muhzır.