Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 216 Hüküm no: 471 Orijinal metin no: [73a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Mehmed b. Abdullah’ın oturdukları evdeki eşyanın tamamının karısının mülkü olduğunu ikrârı Oldur ki Sâbıkan Mısır paşalığından ma‘zûl olup mahrûse-i Edirne’de vefât eden Dukakinzâde demekle ma‘rûf merhûm Mehmed Paşa kullarından olup Paşa-yı merkūmun Sinan Bey nâm oğlunun mu‘takı olup mahrûse-i Üsküdar’da mahalle-i Ma‘mûre sâkinlerinden olan Mehmed b. Abdullah mahfil-i kazâda bâ‘isetü’s-sicil zevcesi Kamer bt. Abdullah muvâcehesinde ikrâr ve takrîr-i kelâm edip, mezkûre Kamer’e mehr-i mü’eccelinden lâzımü’l-edâ bin akçe deynim olup (...) iktisâbı? olan nakid ve menkūl ve mefrûş ve melbûs ve bi’l-cümle mâl [73b] ıtlâkı câiz olur evimin içinde her ne ki var ise işbu mezkûre Kamer’in sebeb-i mülk-i sarîh-i mer‘î ile mülk-i mahzıdır vechen mine’l-vücûh ve sebeben mine’l-esbâb zikr olunan esbâbda benim medhalim yokdur. Ancak sâkin olduğum hâne benimdir andan mâ‘adâsı mezbûre Kamer’indir dedikde, ba‘de’t-tasdîk bi’t-taleb kayd olundu. Tahrîren fî evâsıtı Zilka‘de sene 991 Şuhûdü’l-hâl: Sadrü’s-sulehâ Pîr Veli Efendi, Ahmed Çelebi İmâm-ı câmi‘-i şerîf, Pîr Ahmed b. Murad el-Cündî, Behrâm b. Abdullah Merdüm-i Paşa-yı merkūm, Hasan Halîfe b. İbrahim, Ahmed Subaşı b. Mustafa, Mustafa b. Ali er-Râcil.