Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 217 Hüküm no: 472 Orijinal metin no: [73b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kurd b. Yunus’un üç yıl hizmet karşılığında Yunus b. Baki’nin kızı Şamdan ile evlendiği Oldur ki Tâ’ife-i kıbtiyândan Kurd b. Yunus nâm çingene mahfil-i kazâda bâ‘isü’s-sicil kaynatası olan Yunus b. Bâkī muvâcehesinde takrîr-i kelâm edip, mezkûr Yunus tahmînen yedi yaşında Şamdan nâm sagīre kızını velâyeti hasebiyle iki bin akçe mehr-i mü’eccel ile bana tezvîc edip ben dahi alıp kabûl edip ve târih-i sicilden üç yıl tamamına değin mezkûr Yunus’a hizmet etmeğe müte‘ahhid olup hizmetim tamam oldukda ol dahi düğünün edip kızını bana teslîm ede. Eğer mezkûr Yunus’un haberi ve rızâsı yok iken hizmetimde tekâsül edip ve kızı mezkûreyi alıp âhar yere gidersem benden boş ola deyû şart edip, mesfûr Yunus dahi vech-i meşrûh üzre olan takrîri bi’l-muvâcehe tasdîk edip, mâ hüve’l-vâki‘ cânibeynin talebiyle kayd olundu. Tahrîren fî evâsıt-ı Zilka‘de sene 991. Şuhûdü’l-hâl: Sefer b. Karaca, Eynesi b. İsmail, Kasım b. Bayramlı, Pazarlı b. Mustafa, Şucâ‘ b. Sarı, Hacı b. Mustafa, Paşalı b. Gaybî.