Üsküdar Mahkemesi 56 Numaralı Sicil (H.990-991/M. 1582-1583) cilt: 9, sayfa: 217 Hüküm no: 473 Orijinal metin no: [73b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fâtıma bt. Mustafa’nın evini Nisâ bt. Pîrî’ye sattığı Fâtıma bt. Mustafa, mahfil-i kazâda bâ‘isetü’s-sicil Nisâ bt. Pîrî muvâcehesinde takrîr-i kelâm edip, bir cânibi Mirza b. İbrahim mülküyle ve bir cânibi Sefer Reis mülküyle ve bir tarafı debbâğ Mustafa eviyle ve tarîk-i âm ile mahdûd iki ocaklı mülk evimi kuyusuyla ve kenîfiyle ve eşcâr-ı müsmire ve gayr-i müsmiresiyle bi cemî‘i’l-hudûd ve kâffeti’l-hukūk mezkûre Nisâ‘ya üç bin altı yüz akçeye bey‘-i bât ile bey‘ edip teslîm-i mebî‘-i mahdûd ve kabz-ı semen-i ma‘dûd kılıp mezkûre dahi vech-i meşrûh üzre iştirâ eyledi dedikde, ba‘de’t-tasdîk bi’t-taleb kayd olundu. Tahrîren fî târihi mezbûr. Şuhûdü’l-hâl: Mirza b. İbrahim, Ahmed Subaşı b. Mustafa, Sefer Reis b. Kemal, Mustafa b. Yusuf, Hacı Mustafa, Sinan Dede b. Abdullah, Hamza b. Mustafa.