Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 94 Hüküm no: 3 Orijinal metin no: [1b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Sahipsiz atın satılması Mahrûse-i Üsküdar subaşısı olan Müstedâm Bey mahfil-i şer‘-i şerîfde mahrûse-i mezbûre menzilcisi olan Hasan ( ) nâm kimesne mahzarında edâ-yı kelâm edip işbu hâzırda olan alnı sakar al bârgîr sâhibi nâ-ma‘lûm olmağın yevmî sekizer akçe nafaka takdîr olunup bana emânet verilip yirmi günden ziyâde besledim kendisi lâgar ve kem-bahâ olmak ile dahi beslerim nafakası bahâsını muhît olmak lâzım gelmeğin bey‘-i men yezîd edip mezbûr Hasan’ın üzerinde sûk-ı sultânîde iki yüz on akçede karâr eylemeğin meblağ-ı mezbûra bey‘ eyleyip bî-kusûr meblağ-ı mezbûru kabz ve mebî‘-i mezkûru mezbûra teslîm eyledim deyip ba‘de tasdîki’l-ikrâr mâ vaka‘a bi’t-taleb kayd-ı sicil olundu. Fi’l-yevmi’s-sâmin min şehri Rebî‘ilâhir li sene elf. Şuhûdü’l-hâl: Mehmed b. Behrâm, Muttalib b. Süleyman, Mehmed b. Habîb, Sefer b. Abdullah, Fazlı Çelebi el-kâtib