Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 102 Hüküm no: 21 Orijinal metin no: [3b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Selver Hâtun Vakfı’nın, Yorgi’deki alacağını tahsil ettiği Oldur ki El-Hâc Hüseyin b. Mustafa nâm kimesne mahfil-i şer‘de karye-i İstavroz’da (…) nâm zimmîde Selver Hâtun Vakfı’ndan merkūm Yorgi zimmetinde beş yüz akçe asıldan ve elli akçe çuka bahâsından cem‘an beş yüz elli akçe var idi bi’t-tamâm alıp kabûl ve kabz eyledim dedikde mukırr-ı mezbûru vech-i meşrûh üzre vâki‘ olan ikrârını mukarrun lehü’l-merkūm bi’l-muvâcehe tasdîk eylediği kayd olundu. Tahrîren fî evâsıtı Rebî‘ilâhir sene elf. Şuhûdü’l-hâl: Mustafa b. Mehmed, Şemseddin b. Sâdık, Hüsrev Bey b. Abdullah, Şeyh Mustafa b. Müstecâb ve gayruhüm