Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 105 Hüküm no: 29 Orijinal metin no: [4a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Terzi Andriye’nin, Hümâ Hâtun Vakfı’na olan borcunun tahsil edildiği Mahmiye-i İstanbul’da vâki‘ Hümâ Hâtun vakfına câbi olan İbrahim b. Davud mahfil-i kazâda Muhzır Mustafa mahzarında ikrâr eder ki bundan akdem Kadıköyü’nde Terzi Andriye zimmetinde mâl-ı vakf-ı mezbûrdan iki bin beş yüz akçe olup mezbûr Muhzır Mustafa’ya havâle olunmuş idi hâlâ mezbûr Andriye’den meblağ-ı mezbûru bi’t-tamâm alıp kabz eyledim deyicek kayd-ı sicil olundu. Fi’t-târihi’l-mezbûr. Şuhûdü’l-hâl: Şeyh Maksud b. Veli, Hasan b. Sâdık, Kasım Çelebi el-Bekāî, Musli Çelebi b. Yusuf, Mehmed b. Süleyman, Sefer b. Abdullah