Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 112 Hüküm no: 43 Orijinal metin no: [5b-1] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Kadem bt. Abdullah’ın, evini Mercan b. Abdullah’a hibe ettiği Oldur ki Mahrûse-i Üsküdar’da Sinan Paşa mahallesinde sâkine Kadem bt. Abdullah nâm avret meclis-i şer‘de Mercan b. Abdullah mahzarında tav‘an ikrâr ve i‘tirâf edip mahkeme-i mezbûrede bir cânibi tarîk-i âm ve cânibiyeni Ahmed nâm kimesnenin havlusu duvarına ve bir cânibi Memi b. el-Hâc Ali Bey evi duvarına intihâ ile mahdûd olan menzilimi bir evi ve bir sundurması ve kuyusu ve mesâhayı ve eşcâr-ı ve cemî‘ tevâbi‘ ile mezbûr Mercan’[a] rızâenlillâh hibe ve teslîm eyledim ol dahi kabz eyledi min-ba‘d mülküdür nice dilerse mutasarrıf ola deyicek mukırra-i mezkûreyi cemî‘ kelimâtında bi’l-muvâcehe mukarrun lehü’l-mezbûr tasdîk eyledikde mâ vaka‘a bi’t-taleb sicil olundu. Fî evâsıtı Rebî‘ilâhir sene elf. Şuhûdü’l-hâl: Ömer b. Osman, Bekir b. Ali, Hacı İlyas b. Yunus, Fazlı Çelebi el-kâtib, Muttalib b. Süleyman, Osman b. Mahmud, Mehmed b. Behrâm, Mehmed b. Karagöz el-imâm be-mahalle-i Sinan Paşa, Ahmed b. Hızır el-kayyum be-mescidi’l-mahalleti’l-mezbûre