Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 115 Hüküm no: 50 Orijinal metin no: [6a-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ahmed b. Abdülvehhâb’ın, bağını Mehmed b. Ahmed’e sattığı Galata’ya tâbi‘ Tophâne sâkinlerinden Ahmed Halîfe b. Abdülvehhâb mahfil-i şer‘-i şerîfde mezbûr Tophâne’den Mehmed b. Ahmed nâm kimesne mahzarında tav‘an ikrâr ve i‘tirâf edip Bülbül Deresi’nde bir cânibi Ahmed Bey bağına ve bir cânibi Hamamcı Yusuf bağına ve bir cânibi tarîk-i âm ile mahdûd bağımı iki bin akçeye mezbûr Mehmed’e bey‘ edip teslîm-i mebî‘ ve kabz-ı semen eyledim ba‘de’l-yevm nice dilerse mutasarrıf ola deyip mukırr-ı mezbûru cemî‘ ikrârında bi’l-muvâcehe tasdîk eylemeğin mâ vaka‘a bi’t-taleb sicil olundu. Fi’t-târihi’l-mezbûr. Şuhûdü’l-hâl: Kasım Bey el-bevvâbü’s-sultânî, Kuyumcu Mustafa, Ali Bey b. Solak, Mehmed Reis b. Ali b. Yunus