Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 115 Hüküm no: 51 Orijinal metin no: [6a-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Nikola v. Dimo’nun, Yorgo v. Manol’a borcunu ödemesi Oldur ki Yorgo v. Manol nâm zimmî mahfil-i şer‘-i şerîfde Nikola v. Dimo nâm zimmî mahzarında takrîr-i da‘vâ kılıp ustam Karakaş bana kerem eyle evleniyorum düğünde takınayım mezbûr Nikola[’nın] gümüşlü bıçağını alıver ben dahi mezbûr Nikola’ya söyleyip vermeyip âkıbet on beş guruş vereyim bıçağı ver bana dedim nola dedi ben dahi on beş bütün guruş verdim bana bıçağı vericek oldu vermedi hâlâ on beş guruşum taleb ederim deyip mezbûr Nikola’ya suâl olundukda sahîh-i mezbûr Yorgo bana on beş bütün guruş verdi aldım elbette lâkin ol guruşlar ustası Karakaş’ın idi bana borcu olmağın bana verdi kendinin değildir ve bıçağı dahi vermedim idi demeğin mezbûr Nikola’ya da‘vâsına muvâfık beyyine taleb olunup beyyineden âciz olup mezbûr Yorgo’ya kendi akçen olup Karakaş sana var bıçağım ver deyu vermediğine yemîn eyle denildikde guruşlar kendi mâlım idi Karakaş’ın değildi Karakaş ver demedi deyu yemîn eylemeğin mezbûr guruşlar mezbûr Yorgi’ye mezbûr Nikola’dan hükm olundu. Tahrîren fî evâsıtı Rebî‘ilâhir sene elf. Şuhûdü’l-hâl: Fazlı Çelebi el-kâtib, Muttalib b. Süleyman, Mehmed b. Behrâm, Sefer b. Abdullah, Ömer Subaşı ve gayruhüm El-emru kemâ zübira fîhi ketebehü’l-fakīr ileyhi sübhânehû Mehmed b. Mustafa el-müvellâ be-medîne-i Kostantıniyye el-mahmiye hilâfetehu ufiye anhu