Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 122 Hüküm no: 66 Orijinal metin no: [7b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Fazlullah Paşa Vakfı’na ait Çengelköy’ün vergilerinin mukâtaa gelirlerinin tahsil edilmesi Merhûm Fazlullah Paşa evkāfı mütevellîsi olan Mehmed Çelebi b. Mustafa meclis-i şer‘-i şerîfde işbu hâmilü’l-kitâb Ömer b. Veli ve Serbani ve İstemad ve Manol nâm mültezimler mahzarlarında bi tav‘ ve’l-ihtiyâr i‘tirâf ve ikrâr ve takrîr-i kelâm edip evkāf-ı mezbûreden mahrûse-i Üsküdar’a tâbi‘ Çengel nâm karyenin resm-i tapudan gayrı cürm-ı cinâyetin ve bâd-ı hevâsın ve sâirini dokuz yüz doksan sekiz Mart’ı ibtidâsından üç yıla iki yüz biner akçeye mukāta‘aya vermiş idim hâlâ mezbûrlardan doksan sekiz ve doksan dokuz senesinden karye-i mezbûre mahsûlünden ve kendi mallarından yüz yirmi dört bin akçe alıp kabz eyledim deyicek mukırr-ı mezbûru vech-i meşrûh üzre olan ikrârını mukarrun lehü’l-mezbûrdan vicâhen tasdîk eyledikleri kayd-ı sicil olundu. Hurrire fî evâsıtı Rebî‘ilâhir li sene elf. Şuhûdü’l-hâl: Behrâm Yayabaşı, Müstedâm Bey b. Abdullah, Muttalib b. Süleyman, Hüseyin b. Hızır, Mehmed b. Behrâm, Mehmed b. İbrahim, Mehmed b. Süleyman, Mustafa b. Alagöz ve gayruhüm