Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 136 Hüküm no: 103 Orijinal metin no: [10b-3] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Zoca Merfekota’nın, annesinden kalan bağı Feto v. Evranos’a sattığı Budur ki Kuzguncuk nâm karyeden Kostantin v. Metropolid nâm zimmî mahfil-i kazâda Ezmerağda bt. Evranos nâm zimmîyenin ikrâr-ı âtîyi tasdîka vekîl olan zevci Manol v. Papa Yorgi mahzarında tav‘an ikrâr edip kayınanam Francana nâm zimmîye mürd olup verâseti Zoca Merfekota nâm kızına münhasır olup mezbûr Francana’nın Galata’da Beyoğlu sarayında funda cânibi tarla ve kuyu yeri üç cânibi tarîk-i âmla mahdûd bağı mezbûre Zoca Merfekota nâm kızına intikāl eyledikde babam Torofiyo mezbûre Zoca’nın vekîli olup mezbûr bağı Feto v. Evranos nâm zimmîye üç bin akçeye bey‘ edip akçesin Feto dahi mürd olup Ezmerağda nâm hemşîresine intikāl eyledi deyicek mukırr-ı mezbûrun vech-i meşrûh üzre vâki‘ olan ikrârını mukarrun lehû bi’l-muvâcehe tasdîk eylediği kayd olundu. Fî evâsıtı Cemâziyelevvel li sene elf. Şuhûdü’l-hâl: Fahrü’l-cüyûşü’l-kirâm Hasan Çavuş, Mehmed b. Habîb, İstemad v. Çorubalık, Yorgi Malaga ve gayruhüm