Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 136 Hüküm no: 102 Orijinal metin no: [10b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Nikola v. Bakod’un metrûkâtının miri için ortaklarından teslim alındığı Mahrûse-i Üsküdar kazâsında vâki‘ yava beytülmâli iltizâm eden Ömer b. Veli nâm kimesne mahfil-i kazâda işbu hâmil-i hâze’l-kitâb İstemad v. Todori ve Manol v. Yorgi nâm zimmîler mahzarlarında ikrâr eder ki Nikola v. Bakod nâm zimmî mürd olup vârisi olmamak ile muhallefâtını ve mezbûrların şerîki olduğu âtîden hissesini kabz edip mürd-i merkūmun mâ-beynimizde ma‘lûm hisse-i mezkûresini ve muhallefâtını mezbûrâna bin altı yüz akçeye bey‘ edip meblağ-ı mezbûru bi’t-tamâm alıp kabz eyledim deyicek mukırr-ı mezbûrun kelâm-ı meşrûhunu mukarrun lehüma’l-merkūmân tasdîk eylediği kayd olundu. Fi’t-târihi’l-mezbûr. Şuhûdü’l-hâl: Mehmed b. Behrâm, Muttalib b. Süleyman, Mehmed b. Habîb, el-Hâc Hüseyin b. Mustafa, Mehmed b. Ahmed Yevmü’l-isneyn