Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 140 Hüküm no: 112 Orijinal metin no: [11b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Hızır b. Fethullah’ın babasından kalan hisselerini kardeşi İbrahim’e sattığı Oldur ki Saz kazâsından Eymür nâm karyeden Hızır b. Fethullah birâderi İbrahim muvâcehesinde tav‘an ikrâr ve i‘tirâf edip babam müteveffâ Fethullah’tan irs ile intikāl eyleyen evden ve bağ ve bağçeden ve esbâbdan ve tarladan hisse-i şer‘iyyemi mezbûr birâderime iki bin akçeye bey‘-i bât ile bey‘ edip teslîm-i mebî‘ ve kabz-ı semen eyledim deyicek mukarrun lehü’l-mezbûr mukırr-ı mezbûru cemî‘ kelimâtı ve ikrârında tasdîk eylemeğin mâ vaka‘a bi’t-taleb sicil olundu. Fi’t-târihi’l-mezbûr. Şuhûdü’l-hâl: Pîrzun b. Mehmed, Kerim b. Pîr Gaib, Eyüp Bey b. Ahmed, Hacı Abdülkerim b. Mürüvvet