Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 146 Hüküm no: 124 Orijinal metin no: [12b-4] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Ölen Mehmed Bey’in kızı Kamile’nin vasisi, kızın ihtiyaçları için vakıftan borç aldığı Husûs-ı âti’z-zikre mübâşir ta‘yîn buyurulan Dergâh-ı âlî çavuşlarından Mehmed Çavuş mübâşeretiyle Dergâh-ı âlî bevvâblarından fahrü’l-akrân Yusuf Bey tarafından husûs-ı âti’z-zikri da‘vâya ve kabz ve îsâle vekîl olup vekâleti Ömer Bey b. el-Hâc Ali ve Receb Bey b. Abdullah el-cündî şehâdetleri ile sâbite olan İnâm Çelebi b. eş-Şeyh İhsân mahfil-i kazâda bundan akdem fevt olan Mehmed bana sulbîye kızı Kâmile nâm sagīreye kıbel-i şer‘den vasî nasb olunan Ömer Bey b. Abdurrahman nâm kimesne mahzarında bundan akdem müvekkilimden mezbûr Ömer Bey yirmi bin akçe istikrâz edip meblağ-ı mezbûru hâlen vekâleten taleb ederim deyicek mezbûrdan suâl olundukda vâkıf-ı mezbûr Yusuf Bey’den sağire-i mezkûre levâzımı için yirmi bin akçe istikrâz eylediği ikrâr ve i‘tirâfı mezbûr İnâm Çelebi talebiyle ketb olunup edâsına hükm olundu. Hurrire fî evâsıtı Cemâziyelevvel sene elf. Şuhûdü’l-hâl: Mehmed Bey b. el-Hâc Memi, Mehmed Bey b. Ali el-cündî, Receb Bey b. Abdullah İslâm, Muttalib b. Süleyman, Mehmed b. Behrâm Derkenar: Meblağ-ı mezbûrun zararına ve mezbûrun nefsine Ahmed b. Mustafa ve Hızır b. Abdullah ve el-Hâc Kurd b. Beşir nâm kimesneler târih-i kitâbdan o sûret üzere mezbûra kefîl olduk dedikleri kayd olundu. Fi’t-târihi’l-mezbûr.