Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 157 Hüküm no: 151 Orijinal metin no: [15b-2] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Osman Çelebi b. Habîb’in alacağını kefilden istemesi Osman Çelebi b. Habîb nâm kimesne Yorgi v. Andriye nâm zimmî mahzarında da‘vâ kılıp mezbûr Yorgi benim bir çobanda olan iki bin otuz akçem kaldı mezbûr Yorgi’den zikr olunan bin otuz akçeyi kefâleti hasebiyle taleb eylerim dedikde mezbûr Yorgi’den suâl olundukda fi’l-vâki‘ mezbûr çobanı on güne dek bulup getirmesine nefsine kefîl oldum ve on güne kalmadı getirip kendiye teslîm eyledim dedikde ol dahi ikrâr edip fi’l-hakīka bu Yorgi mezbûr Çoban’ın on güne nefsine kefîl olup ve on günün içinde getirip bana teslîm eyledi deyicek merkūm Osman Çelebi da‘vâ’dan men‘ olundukda bu hurûf ketb olundu. Fi’t-târihi’l-mezbûr. Şuhûdü’l-hâl: İslâm b. İhsân, Fazlı Çelebi el-kâtib, Mehmed Çelebi el-kâtib, Muttalib b. Süleyman ve gayruhüm