Üsküdar Mahkemesi 84 Numaralı Sicil (H.999-1000/ M.1590-1591) cilt: 10, sayfa: 159 Hüküm no: 154 Orijinal metin no: [15b-5] Bu defter İstanbul 2010 Avrupa Kültür Başkenti Ajansı ve İslam Araştırmaları Merkezi (İSAM) ortaklığı ile hazırlanmıştır. Yorgi v. Nikola’nın, Ahmed Bey b. Abdullah’a çuka bedelinden borçlu olduğu Budur ki Ahmed Bey b. Abdullah nâm kimesne mahfil-i kazâda Çengel nâm karyeden Yorgi v. Nikola nâm zimmî mahzarında ikrâr edip mezbûra târih-i kitâbdan sene tamâmına değin on bin akçeye çuka bey‘ eyledim sene tamâmına meblağ-ı mezbûru alam dedikde mukırr-ı mezbûrun vech-i meşrûh üzre vâki‘ olan ikrârını mezbûr Şükrü tasdîk edip fi’l-hakīka mezbûr Ahmed Bey’den bir yıl tamâmına va‘de ile on bin akçeye çuka aldım lâzımü’l-edâ deynimdir dediği bi’t-taleb kayd olundu. Tahrîren fî evâhiri Cemâziyelevvel sene elf. Şuhûdü’l-hâl: Hacı Kurd [b.] Beşir, Ahmed b. Mustafa, Ömer Subaşı [b.] Veli, Mehmed Bey [b.] Abdullah, Mehmed [b.] Habîb, Ömer b. Abdurrahman ve gayruhüm Yevmü’s-sebt fî 23 Cemâziyelevvel